هلا يامن بقربه كل جرح يطيب = هلا وأهلين مرحب يامناة الخفوق
شوف زولك يبشر بالفرح لي يجيب = يا جميل المعاني يالحبيب الصدوق
سهم حبك تمكن وانكتب لي نصيب = أنت للقلب غيمه فيها رعد وبروق
تشعل النار فيني لا بعدتم لهيب = تسلب الروح مني وخاطري ما يروق
لو تجود بوصالك جوفي ينسى النحيب = يلعب الشوق فيني يجي صوبك يسوق
كيف بالسن يضحك والمفارق صعيب = وين أبلقى غرام(ن) مثل حبك يلوق
أنت نبض شرياني يالحبيب اللبيب = دمي يسري بدونك كيف وأنت العروق
بقلمي أختكم: يالطيف الحشى
الأربعاء أبريل 15, 2009 6:57 am
